Hahú husi serbisu ida ho laran pasiénsia no badinas husi grupu feto, tuir ideia ne’ebé mai husi Mara Bernardes husi Centro Cultural Português Instituto Camões, atu harí Ofisina Muzeu ida, hodi fo valór no fo hatene sai oinsá maka grupu ne’e harí. Piera Zurcher, ema ne’ebé iha hanoin di’ak iha grupu, haré fatin ida hodi hala’o prosesu harí boneka ida-idak, hodi fo valór ba serbisu grupu nian no Mara Bernandes hatene saída maka projetu pedagójiku no kulturál hakarak hetan. Sira rua haré produtu sira ne’ebé atu halu hodi haré fila fali iha projesaun fotografia furak Álvaro Tilman Soares nian fo ba buat moris husi hena no kabas, ne’ebé suku ho dedikasaun, hanesan iha klamar no fuan, la susar atu hamaus no hamaluk iha ema ida-idak nia moris. Harí fatin eh espasu husi Instituto Camões ho parseria hamutuk ho Ruth Grilo (ema ne’ebé halu logotipu grupu nian) no fatin ne’e tau mos mobiliáriu ne’ebé nia rasik pinta no badaen rai-nain sira harí ho sira nia liman matenek.

Lao rai iha rai-laran no rai-liur, lori pasaporte individuál, Boneka Ataúro sira prepara-an ba deslokasaun aban-bainrua nian no sira hein katak vizitante sira husi sítiu ne’ebe Miguel Duarte no Guilherme Cartaxo harí bele hatene sira nia hún ho sira nia dalan to’o iha ne’e, projetu ida ne’ebé hala’o iha fulan barak nia laran, ho kontaktu permanente ho Instituisaun sira no ema ne’ebé envolve-an iha projetu ne’e. Merese duni atu hetan tulun husi Sekretaria Estadu Kultura no hetan prémiu husi UNICEF, hanesan produtu ba dala uluk iha Timor-Leste nu’udar Nasaun Independente.

Tau laran ba no divulga ba!