Juñu 2006

• Iha fulan Juñu 2006 hamutuk ho Padre Luís Fornasier, Piera Zurcher no grupu feto kiik ida, iha fatin ida iha Misaun Katólika Ataúro nian hahú dezenvolve projetu ne’ebé hala’o ba labarik sira hodi hamosu ideia kona-ba boneka molok estuda modelu barbarak;

Setembru 2006

• Fulan Setembru 2006 hahú enkomenda kiik ba-dala-uluk husi ONG lokál ida;

11 Novembru 2006

• Iha loron 11 Novembru sira hakotu atu forma grupu ho perspetiva diak ba futuru;

Novembru 2006

• Fulan Novembru 2006 Sekretaria Estadu Kultura konvida grupu ne’e atu hola parte iha Feira Nasionál Artezanatu Timór-nian (iha komemorasaun Loron 28 Novembru, Loron Independéncia Timor-Leste nian) nu’udar divulgasaun projektu ne’e nian ba publiku;

Dezembru 2006

• Fulan Dezembru hamutuk ho Instituto Camões hamosu hanoin ida atu hala’o espozisaun lúdiku pedagójika ida ne’ebé prepara iha fulan hirak nia laran;

Fevereiru 2007

• Fulan Fevereiru 2007 Boneka Ataúro nian manan konkursu ne’ebé organiza husi Ministériu Edukasaun no UNICEF atu hala’o produsaun boneka hamutuk 3.240 hodi fahe ba eskola sira iha Timor-Leste;

Juñu 2007

• Fulan Juñu 2007, atu hala’o komemorasaun ba Loron Internasional Labarik nian hala’o espozisaun ida durante fulan ida nila laran hodi hala’o mos aktividade lubuk ida, hanesan, Espozisaun Fotografia, Espozisaun Boneka ho nia prosesu elaborasaun tomak, hala’o mos aktividade ludika no pedagójika lubuk ida;

Jullu 2007

• Fulan Jullu 2007 hanesan rezultadu espozisaun ne’e nian mosu enkomenda barbarak husi ema partikular sira liliu ONG sira ne’ebé serbisu ho labarik sira, simu mos konvite barbarak atu hala’o feira oioin;

Novembru 2007

• Fulan Novembru 2007 hamutuk ho Instituto Camões mosu hanoin ida atu harí Ofisina-Muzeu ida atu grupu ne’e hodi serbisu no halibur vizitante sira hodi hatudu produtu oioin ho ninia serbisu;

28 Juñu 2008

• Loron 28 Juñu 2008 inaugura Ofisina- Muzeu ne’e ho rezultadu serbisu hahú iha fulan hirak liuba hamutuk ho Instituto Camões, hanesan mos lansamentu pájina Internet nian ba grupu ne’e.